Virat Kohli Fake Fielding T20 WC – ફેક ફિલ્ડિંગનો નિયમ, જેમાં બાંગ્લાદેશ વિરાટ કોહલી પર આરોપ લગાવીને ફસાયુ
ભારત અને બાંગ્લાદેશની રોમાંચક મેચ છેલ્લી ઓવરમાં સમાપ્ત થઈ, ટીમ ઈન્ડિયાએ પાંચ રનથી મેચ જીતી લીધી. પરંતુ વાત ત્યાં પૂરી ન થઈ, બાંગ્લાદેશના વિકેટકીપર નુરુલ હસને આરોપ લગાવ્યો કે વિરાટ કોહલીએ મેચ દરમિયાન છેતરપિંડી કરી અને નકલી ફિલ્ડિંગથી અમારી ટીમને ભ્રમિત કરી.
ફેક ફિલ્ડિંગના આ વિવાદે ક્રિકેટ જગતમાં ભાગલા પાડી દીધા છે, બાંગ્લાદેશે વિરાટ કોહલી જેવા મોટા ખેલાડી પર આરોપ લગાવ્યો છે તો અલગ-અલગ નિવેદનો આવવા લાગ્યા છે. પરંતુ આઈસીસીના નિયમો પર નજર કરીએ તો વિરાટ કોહલી પર આરોપ લગાવનારી બાંગ્લાદેશની ટીમ પણ આ મામલે ફસાઈ શકે છે.
શું કહે છે ICCનો નિયમ?
ICC ની રમતની શરતોના નિયમ 41.5 મુજબ, ફિલ્ડિંગ ટીમ ઈરાદાપૂર્વક બેટ્સમેનને અવરોધી શકે નહીં અથવા તેનું ધ્યાન ભટકાવી શકે નહીં. જો અમ્પાયરને લાગે કે કોઈ ખેલાડીએ નિયમ તોડ્યો છે, તો તે ડેડ બોલ જાહેર કરી શકે છે અને પેનલ્ટીના પાંચ રન આપી શકે છે. શાન્તો અને લિટન કોહલી તરફ જોતા પણ નહોતા, તેથી તેના વિચલિત થવાનો કોઈ પ્રશ્ન જ નહોતો.
આવી સ્થિતિમાં, નિયમ કહે છે કે કોઈપણ પુરાવા વિના મેચ અધિકારીઓ પર આટલો મોટો આરોપ લગાવનાર ખેલાડી વિરુદ્ધ ICC દ્વારા કાર્યવાહી કરવામાં આવી શકે છે. એટલે કે વિકેટકીપર નુરુલ હસન પોતે વિરાટ કોહલી પર આરોપ લગાવીને ફસાઈ શકે છે. જેણે અમ્પાયરો પર વિરાટ કોહલીની નકલી ફિલ્ડિંગ પર ધ્યાન ન આપવાનો આરોપ લગાવ્યો હતો.
તમને જણાવી દઈએ કે વર્ષ 2017માં ઓસ્ટ્રેલિયાના માર્નસ લાબુશેન પર નકલી ફિલ્ડિંગના કારણે દંડ ફટકારવામાં આવ્યો હતો. માર્નસ લાબુશેને ઓસ્ટ્રેલિયામાં ઘરેલુ ટુર્નામેન્ટમાં ક્રિકેટ ઓસ્ટ્રેલિયા XI વિ. ક્વીન્સલેન્ડ બુલ્સમાં આ કર્યું હતું. મિડ-ઑફ પર ઊભો રહીને તેણે બોલ ફેંકવાનો અભિનય કર્યો, પરંતુ તેની પાસે બોલ નહોતો.
Virat Kohli Fake Fielding T20 WC – આવી રમત સાતમી ઓવરમાં બની
એડિલેડમાં રમાયેલી આ મેચમાં જ્યારે બાંગ્લાદેશની ટીમ બેટિંગ કરી રહી હતી, તે સમયે સાતમી ઓવરમાં આ ઘટના બની હતી. જ્યારે બાંગ્લાદેશના લિટન દાસ અને નજમુલ હુસેન શાંતો બેટિંગ કરી રહ્યા હતા. જ્યારે બાંગ્લાદેશી બેટ્સમેને શોટ માર્યો ત્યારે ભારતના અર્શદીપ સિંહે ડીપમાંથી બોલ ફેંક્યો અને નુરુલ કહે છે કે પોઈન્ટ પર ઉભેલા વિરાટ કોહલીએ તેને કેચ લીધો અને રિલે થ્રો વડે તેને બીજા છેડે ફેંકવા ની એક્શન કરી.
ફેક ફિલ્ડિંગ સાથે જોડાયેલા આ મામલે ઘણા નિષ્ણાતોના નિવેદનો સામે આવ્યા છે. કોમેન્ટેટર હર્ષા ભોગલેએ ટ્વિટર પર લખ્યું છે કે જે પ્રકારના આરોપો લગાવવામાં આવ્યા છે તે કોઈએ જોયા નથી. આવી સ્થિતિમાં બાંગ્લાદેશે કોઈપણ બહાના પર ધ્યાન આપવાને બદલે આ હાર સ્વીકારવી જોઈએ. હર્ષા ભોગલે ઉપરાંત આકાશ ચોપરા સહિત અન્ય નિષ્ણાતોએ બાંગ્લાદેશ પર સવાલ ઉઠાવ્યા છે.
હર્ષા ભોગલેએ લખ્યું
હર્ષા ભોગલેએ લખ્યું : ‘ફેક ફિલ્ડિંગ’ વિવાદ વિશે વાત કરીએ તો સત્ય એ છે કે તેને કોઈએ જોયું નથી. ન તો અમ્પાયરો, ન બેટ્સમેન કે ન અમે. નિયમ 41.5 આવા કિસ્સાઓમાં પાંચ રનની પેનલ્ટી લાદવાનો ઉલ્લેખ કરે છે (આ પણ અમ્પાયરો પર આધાર રાખે છે) પરંતુ જ્યારે કોઈએ ધ્યાન ન આપ્યું હોય ત્યારે તમે શું કરશો. મને નથી લાગતું કે કોઈ ફરિયાદ કરશે કે જમીન ખૂબ ભીની હતી. શાકિબે સાચું જ કહ્યું હતું કે આવા કિસ્સાઓમાં વસ્તુઓ ટીમની બેટિંગની તરફેણમાં જાય છે.
અમ્પાયરો, ક્યુરેટર્સનું કામ ત્યાં સુધી મેચ ચાલુ રાખવાનું હતું જ્યાં સુધી પરિસ્થિતિ ખરેખર ખરાબ ન થાય. તેણે પોતાનું કામ સારી રીતે કર્યું અને ઓછામાં ઓછો સમય વેડફવા દીધો. તો મારા બાંગ્લાદેશના મિત્રો, ટાર્ગેટ સુધી ન પહોંચવાના બહાના તરીકે નકલી ફિલ્ડિંગ અથવા ભીના મેદાનનો દલીલ તરીકે ઉપયોગ કરશો નહીં. જો એક બેટ્સમેન પણ અંત સુધી ટકી રહ્યો હોત તો બાંગ્લાદેશ મેચ જીતી શક્યું હોત. જ્યારે આપણે બહાના શોધીએ છીએ ત્યારે આપણે મોટા ન થવાના દોષી છીએ.
વધુ સમાચાર વાંચવા અહીં ક્લિક કરો => www.GreenGujarati.com
- કોહલીના રૂમનો વીડિયો લીક, ગુસ્સામાં વિરાટે કહ્યું- આ મારી પ્રાઈવસીમાં ઘૂસણખોરી છે
- ન્યૂઝીલેન્ડ અને બાંગ્લાદેશ પ્રવાસ માટે T20, વનડે અને ટેસ્ટ માટે ભારતીય ટીમની જાહેરાત
- બાંગ્લાદેશ સામે જીત મેળવી ભારત ગ્રુપ ટોપર બન્યું, સેમિફાઇનલમાં સ્થાન લગભગ નક્કી
- 143 વર્ષ પહેલા મોરબીના રાજાએ બનાવ્યો હતો મોરબી બ્રિજ, જાણો કહાની
- બેંક લોકરના નિયમોમાં ફેરફારઃ RBIએ બદલ્યા બેંક લોકરના નિયમો
